தமிழில் தரமணி மற்றும் ராக்கி போன்ற திரைப்படங்களில் நடித்து பாராட்டைப் பெற்ற வசந்த் ரவி, தற்போது ‘இந்திரா’ என்ற புதிய படத்தில் கதாநாயகனாக நடித்துள்ளார். இந்தப் படத்தை சபரிஸ் நந்தா இயக்கியுள்ளார். இது கிரைம் திரில்லர் கதையில் உருவாகியிருக்கும் படம். இதில் கல்யாண் மாஸ்டர், சுனில், மெஹ்ரின் பிர்சாதா மற்றும் அனிகா சுரேந்திரன் உள்ளிட்ட பலர் முக்கிய கதாபாத்திரங்களில் நடித்துள்ளனர்.
நயன்தாரா நடித்த ‘ஐரா’ மற்றும் ‘நவரசா’ போன்ற வெற்றிப்படங்களில் பணியாற்றிய சபரிஸ் நந்தா, இப்போது இயக்குநராக தனது முதல் படத்தை இயக்கியுள்ளார். ‘இந்திரா’ படத்தில் வசந்த் ரவிக்கு ஜோடியாக மெஹ்ரின் பிர்சாதா நடித்துள்ளார். இப்படத்திற்கு ‘சொப்பன சுந்தரி’ படத்திற்கு இசை அமைத்த அஜ்மல் தசீன் இசையமைத்துள்ளார்.
தற்போது ‘இந்திரா’ திரைப்படத்தில் வசந்த் ரவி நடித்திருக்கும் கதாபாத்திரத்தின் அறிமுக வீடியோவையும் படக்குழுவினர் வெளியிட்டுள்ளனர். மருத்துவத் துறையும், பிரேத பரிசோதனை சூழலும் இந்தக் கதையின் பின்னணியாக அமைந்திருப்பதால், ரசிகர்கள் மத்தியில் இப்படத்தின் மீதான எதிர்பார்ப்பு அதிகரித்துள்ளது. , ‘இந்திரா’ ஆகஸ்ட் 22ஆம் தேதி திரையரங்குகளில் வெளியாக உள்ளது.
