இயக்குனர் ராம்-ன் ‘பறந்து போ’ படத்தின் ரிலீஸ் தேதி அறிவிப்பு!

வாழ்வியல் கதைகளைக் கொண்டு திரைப்படங்களை இயக்கி, ரசிகர்களின் மனதை வென்றவர் இயக்குனர் ராம். “கற்றது தமிழ்”, “தங்க மீன்கள்”, “பேரன்பு”, “தரமணி” உள்ளிட்ட பல வெற்றி பெற்ற படங்களை இயக்கியுள்ள அவர், தற்போது “பறந்து போ” என்ற திரைப்படத்தை இயக்கியுள்ளார்.

இந்தப் படத்தில், மிர்ச்சி சிவா கதாநாயகனாக நடித்துள்ளார். அவருடன் அஞ்சலி, கிரேஸ் ஆண்டனி, அஜு வர்கீஸ் உள்ளிட்ட பலரும் முக்கியமான கதாபாத்திரங்களில் நடித்திருக்கிறார்கள். இந்த திரைப்படத்திற்கு சந்தோஷ் தயாநிதி இசையமைத்துள்ளார் மற்றும் பின்னணி இசையை யுவன் ஷங்கர் ராஜா உருவாக்கியுள்ளார்.

இந்நிலையில், இப்படம் வெளியிடப்படும் தேதி அறிவிக்கப்பட்டுள்ளது. அதன்படி, “பறந்து போ” திரைப்படம் வரும் ஜூலை 4ஆம் தேதி திரையரங்குகளில் வெளியிடப்படுகிறது.