அர்ஜூன்- ஐஸ்வர்யா ராஜேஷ் நடித்துள்ள ‘தீயவர் குலைநடுங்க’ படத்தின் ரிலீஸ் தேதி அறிவிப்பு!

ஜி.எஸ். ஆர்ட்ஸ் நிறுவனத்தின் தயாரிப்பில், அறிமுக இயக்குநர் தினேஷ் லட்சுமணன் இயக்கியுள்ள படம் ‘தீயவர் குலைநடுங்க’. இதில் அர்ஜூன், ஐஸ்வர்யா ராஜேஷ், ‘பிக்பாஸ்’ புகழ் அபிராமி, ராம்குமார், ஜி.கே. ரெட்டி, லோகு, வேல்ராமமூர்த்தி, தங்கதுரை, ஓ.ஏ.கே. சுந்தர் உள்ளிட்ட பலர் இணைந்து நடித்துள்ளனர்.

குற்றம் மற்றும் திரில்லர் கலந்த கதைக்களத்தில் இப்படம் உருவாகியுள்ளது. இதன் படப்பிடிப்பு ஏற்கனவே முடிவடைந்த நிலையில், பிற பணிகள் நடைபெற்று வந்தன. படத்தின் டீசர் வெளியானதும் திரில்லர் ரசிகர்களிடையே நல்ல வரவேற்பைப் பெற்றது.

தற்போது இப்படம் வரும் நவம்பர் 21ம் தேதி தமிழ், தெலுங்கு, கன்னடம் மற்றும் மலையாளம் ஆகிய நான்கு மொழிகளிலும் ஒரே நேரத்தில் வெளியாகும் என அறிவிக்கப்பட்டுள்ளது.