விக்ரம் பிரபு நடிப்பில் உருவாகியுள்ள ‘லவ் மேரேஜ்’ திரைப்படம், இந்த மாதம் 27-ஆம் தேதி திரையரங்குகளில் வெளியாக இருக்கிறது. அறிமுக இயக்குநரான ஷண்முக ப்ரியன் இந்தப் படத்தை இயக்கியுள்ளார். நேற்று இப்படத்தின் டிரெய்லர் வெளியீட்டு விழா சென்னையில் நடைபெற்றது. இதில் விக்ரம் பிரபு, இசையமைப்பாளர் ஷான் ரோல்டன் உள்ளிட்ட படக்குழுவினர் கலந்துகொண்டனர். இயக்குநர் ஆதிக் ரவிச்சந்திரனும் சிறப்பு விருந்தினராக நிகழ்ச்சியில் பங்கேற்றார்.
அந்த விழாவில் உரையாற்றிய ஆதிக் ரவிச்சந்திரன், “இன்றைய நிகழ்வுக்கு வர காரணம் விக்ரம் பிரபு சார். ‘லவ் மேரேஜ்’ படத்தின் டிரெய்லர் பார்த்தவுடன் 90ஸ் காலக் குழந்தைகள் அனைவரின் நினைவுகளாக இருக்கிறது. இந்த படத்தின் பாடல்கள், டிரெய்லர்கள் என அனைத்தையும் எனக்கு முன்னதாகவே காட்டியிருந்தார்கள். மிஷ்கின் சார் பாடலை கேட்கும் போது 30 விநாடிகளில் இந்தப் பாடல் ஹிட் ஆகும் என நம்பினேன். ஒரு படத்தின் பாசிட்டிவ் விஷயங்கள் அதன் தலைப்பிலேயே ஆரம்பிக்கிறது என நம்புகிறேன். இந்த படத்தின் டைட்டிலே வெற்றிக்கு அடையாளமாக இருக்கிறது என நினைக்கிறேன்.
புதிய இயக்குநராக இந்தப் போன்ற படத்துடன் வருகிறார் ஷண்முக ப்ரியன், அவருக்கு என் மனமார்ந்த வாழ்த்துகள். ‘கும்கி’ படத்தின் முதல் காட்சியே விக்ரம் பிரபு சார் மீது ரசிகர்கள் கொண்டுள்ள பிரமாண்ட வரவேற்பை காட்டியது. ஒரு புதிய நடிகருக்கு அந்தளவிலான வரவேற்பு கிடைப்பது மிகவும் சிறப்பான விஷயம். ‘பாய் நெக்ஸ்ட் டோர்’ கதாபாத்திரங்களிலும், சிறந்த வகை கதைகளிலும் அதிகம் நடித்து வருகிறார் விக்ரம் பிரபு சார். இந்த படமும் வெற்றி பெற வாழ்த்துகிறேன்” என தெரிவித்தார்.
