துல்கர் சல்மானின் பட தயாரிப்பு நிறுவனம் மூலம் உருவான லோகா திரைப்படம், ஓணம் பண்டிகையை முன்னிட்டு கடந்த ஆகஸ்ட் 28-ஆம் தேதி திரையரங்குகளில் வெளியானது. இப்படத்தில் பிரேமலு புகழ் நஸ்லேன் மற்றும் கல்யாணி பிரியதர்ஷன் முக்கிய கதாபாத்திரங்களில் நடித்துள்ளனர். இவர்களுடன் சந்து சலீம் குமார், அருண் குரியன், சாந்தி பாலசந்திரன் உள்ளிட்டோரும் நடித்துள்ளனர்.
லோகா என்ற இந்த மலையாள திரைப்படம் சூப்பர்வுமன் கதையாக உருவாகியுள்ளது. இப்படத்தை டொமினிக் அருண் எழுதி இயக்கியுள்ளார். திரைக்கு வந்தபின், இப்படம் வெளியான முதல் நாளிலிருந்து ரசிகர்களிடையே மிகப்பெரிய வரவேற்பைப் பெற்றுள்ளது. குறிப்பாக, கல்யாணி பிரியதர்ஷன் நடித்துள்ள மர்மம் நிறைந்த கதாபாத்திரம் ரசிகர்களின் கவனத்தை ஈர்த்துள்ளது.
மக்களிடம் தொடர்ந்து நல்ல வரவேற்பை இப்படம் பெற்று வருவதால் இப்படம் ஓடிக்கொண்டிருக்கும் திரைகளின் எண்ணிக்கையும் அதிகரிக்கப்பட்டுள்ளது. மேலும், இப்படம் இரண்டு நாட்களில் ரூ.12 கோடி வசூல் செய்துள்ளதாக தகவல்கள் வெளியாகியுள்ளன.
