மலையாள சினிமாவில் வரலாற்று சாதனை படைத்த ‘லோகா’ திரைப்படம்… என்ன சாதனை தெரியுமா?

டொமினிக் அருண் இயக்கத்தில், நஸ்லேன் – கல்யாணி பிரியதர்ஷன் நடிப்பில் வெளியான லோகா திரைப்படம் மாபெரும் வெற்றியைப் பெற்று வருகிறது. இப்படத்தில் வில்லனாக நடித்த சாண்டியின் வித்தியாசமான நடிப்பு பாராட்டப்பட்டது.

துல்கர் சல்மான் தயாரிப்பில் வெளிவந்த இப்படம், மோகன்லாலின் ஹிருதயப்பூர்வம் படத்தின் வசூலை முறியடித்துள்ளது. பெண் கதாபாத்திரத்தை மையமாகக் கொண்டு வெளிவந்த படங்களில் அதிக வசூல் செய்த இந்திய திரைப்படம் என்ற சாதனையையும் படைத்துள்ளது. உலகளவில் ரூ.200 கோடிக்கும் மேல் வசூல் செய்துள்ளதாக தகவல் வெளியாகியுள்ளது.

மேலும், லோகா சாப்டர் 1 மலையாள சினிமாவில் வரலாற்று சாதனை படைத்துள்ளது. கேரளாவில் 50,000க்கும் மேற்பட்ட காட்சிகளை தாண்டிய முதல் திரைப்படம் என்ற பெருமையைப் பெற்றுள்ளது.