இயக்குநர் மாறன் இயக்கத்தில், JDS ஃபிலிம் ஃபேக்டரி பேனரில் ஜெயக்கொடி அமல்ராஜ் தயாரிப்பில், நடிகர் ஜி.வி. பிரகாஷ் நடித்துள்ள ‘பிளாக்மெயில்’ திரைப்படம் வருகிற செப்டம்பர் 12 ஆம் தேதி திரையரங்குகளில் வெளியாக உள்ளது.
இப்படத்தின் ப்ரீ-ரிலீஸ் நிகழ்ச்சி சென்னையில் நடைபெற்றது. அந்த நிகழ்ச்சியில் கலந்து கொண்ட ஜி.வி. பிரகாஷ், “படக்குழுவினர் அனைவரும் மிகவும் மனமாரச் செயல்பட்டனர். இயக்குநர் மாறன் ஒரு சிறந்த படத்தை வழங்கியுள்ளார்.
இந்த படம் எனக்கு மிகவும் பிடித்திருந்தது. நிச்சயம் உங்களை கட்டிப்போடும் ஒரு த்ரில்லர் அனுபவமாக இருக்கும். இப்படம் எங்கள் தயாரிப்பாளருக்கு லாபகரமானதாக அமைய வேண்டும் என்பதே என் ஆசை. எங்கள் படத்திற்கு ஆதரவு வழங்கிய தனஞ்செயன் சார் அவர்களுக்கும் நன்றி. ரமேஷ் சார், முத்துக்குமார் சார், தேஜூ, லிங்கா மற்றும் முழு தொழில்நுட்பக் குழுவினருக்கும் வாழ்த்துகள். இடைவேளைக்கு முன் வரும் 40 நிமிடங்கள் கண்டிப்பாக ரசிகர்களை ஈர்க்கும். படம் பார்த்த பின் நீங்கள் அனைவரும் சொல்லித்தான் ஆக வேண்டும்”* என்று தெரிவித்தார்.
