தீபாவளிக்கு ரிலீஸாகும் ‘கருப்பு’ படத்தின் முதல் பாடல்… இயக்குனர் ஆர்.ஜே.பாலாஜி கொடுத்த அப்டேட்!

ஆர்.ஜே. பாலாஜி இயக்கத்தில் சூர்யா தனது 45வது படமாக ‘கருப்பு’ படத்தில் நடித்துள்ளார். இதனை ட்ரீம் வாரியர் பிக்சர்ஸ் நிறுவனம் தயாரிக்கிறது. இதில் த்ரிஷா ஹீரோயினாக நடித்துள்ளார். சுவாசிகா, சிவதா, யோகி பாபு, நட்டி நட்ராஜ் ஆகியோர் முக்கிய வேடங்களில் நடித்துள்ளனர்.

சமீபத்தில் ஒரு விருது வழங்கும் நிகழ்ச்சியில் கலந்து கொண்ட ஆர்.ஜே. பாலாஜி, ‘கருப்பு’ படத்தை பற்றி கூறியதாவது “கருப்பு படத்தை தீபாவளிக்கு ரிலீஸ் செய்ய முயற்சி செய்தோம். ஆனால் கிராபிக்ஸ் வேலைகள் முடியாததால் தீபாவளிக்கு ரிலீஸ் செய்ய முடியவில்லை என்று கூறினார்.

மேலும் ‘கருப்பு’ படம் ரொம்ப நன்றாக வந்திருக்கிறது. என் தயாரிப்பாளருக்கு படம் பிடித்திருக்கிறது. கருப்பு படத்தின் முதல் பாடலை தீபாவளிக்கு ரிலீஸ் செய்யப் போகிறோம் எனக் கூறினார்.