அறிமுக இயக்குநரான கார்த்திகேயன் மணி இயக்கத்தில் உருவாகியிருக்கும் திரைப்படம் மெட்ராஸ் மேட்னி. இந்த படத்தில் காளி வெங்கட், சத்யராஜ், ரோஷினி ஹரிபிரியன், ஷெலி மற்றும் விஷ்வா ஆகியோர் முக்கிய கதாப்பாத்திரங்களில் நடித்துள்ளனர்.ஒரு மிடில் கிளாஸ் மனிதனின் வாழ்க்கையில் சந்தோஷமும் சுவாரஸ்யமும் எங்கு உள்ளது என்பதைக் கேட்கும் விதமாகவும், அனைவரும் தங்களை பிரதிபலிப்பதாக உணரக்கூடிய ஒரு எதார்த்தக் கதைக்களத்துடன் இப்படம் உருவாகியுள்ளது.
இந்த திரைப்படம் ஜூன் மாதம் வெளியாகவுள்ளதாக படக்குழு போஸ்டர் வெளியிட்டு அறிவித்துள்ளது. இப்படத்தின் முதல் பாடல் மே 19 ஆம் தேதி வெளியாவது குறிப்பிடத்தக்கது. இந்த பாடலை வைகை புயல் வடிவேலு பாடியுள்ளார். இப்படத்தை ட்ரீம் வாரியர் பிக்சர்ஸ் வழங்க, மெட்ராஸ் மோஷன் பிக்சர்ஸ் நிறுவனம் தயாரித்துள்ளது.
படத்தின் ஒளிப்பதிவை ஆனந்த் ஜி கே மேற்கொண்டுள்ளார்; இசையமைப்பை கே.சி. பாலசரங்கன் செய்துள்ளார்; படத்தொகுப்பை சதீஷ் குமார் மேற்கொண்டிருக்கிறார்; கலை வடிவமைப்பை ஜாக்கி செய்துள்ளார்.
