அதர்வா நடிப்பில் உருவாகியிருக்கும் அடுத்த திரைப்படம் டிஎன்ஏ. இப்படத்தில் நிமிஷா சஜயன் கதாநாயகியாக நடித்துள்ளார். இதனை இயக்கியுள்ளவர் நெல்சன் வெங்கடேசன். இவர் முன்னதாக ஒரு நாள் கூத்து, மான்ஸ்டர், ஃபர்ஹானா போன்ற திரைப்படங்களை இயக்கியவர் என்பது குறிப்பிடத்தக்கது.
இந்த படத்தில் இடம்பெற்ற ஐந்து பாடல்களுக்கும் ஐந்து திறமையான இசையமைப்பாளர்கள் இசையமைத்துள்ளனர். பலவிதமான உணர்ச்சிகள், ஆற்றல் மற்றும் ரசிக்கக் கூடிய தருணங்களால் இந்த திரைப்படம் செறிவூட்டப்பட்டுள்ளது. மேலும், இசையமைப்பாளர் ஜிப்ரான் வழங்கிய வசீகரிக்கும் பின்னணி இசை, படம் மூலம் பார்வையாளர்களுக்கு சிறப்பான அனுபவத்தை ஏற்படுத்தும் என இயக்குநர் நெல்சன் வெங்கடேசன் தெரிவித்துள்ளார்.
தற்போது, இப்படத்தின் போஸ்ட் புரொடக்ஷன் பணிகள் இறுதி கட்டத்தை நெருங்கி வருவதால், படத்தின் திரையரங்கு வெளியீட்டு தேதியை படக்குழு விரைவில் அறிவிக்கும். க்ரைம் ஆக்ஷன் கதையாக உருவாகியுள்ள டிஎன்ஏ திரைப்படத்தில் நம்பகத்தன்மை வாய்ந்த நடிகர்கள் மற்றும் திறமையான தொழில்நுட்ப வல்லுநர்கள் பணியாற்றியுள்ளனர்.படத்தின் முதல் பாடலான கண்ணே கனவே நாளை மாலை 5 மணிக்கு வெளியாகவுள்ளது. இதனை பற்றி அறிவிக்கும் வகையில் படக்குழு புதிய போஸ்டரை வெளியிட்டுள்ளனர். மேலும், இந்த பாடலை இசை புயல் ஏ.ஆர். ரஹ்மான் தனது எக்ஸ் பக்கத்தில் நாளை வெளியிட இருப்பது குறிப்பிடத்தக்கது.
