தமிழில் 2018ம் ஆண்டு வெளியான பரியேறும் பெருமாள் படத்தின் மூலம் தமிழ் சினிமாவில் இயக்குநராக அறிமுகமானவர் மாரி செல்வராஜ். அதன் பிறகு அவர், தனுஷ் நடித்த கர்ணன், உதயநிதி ஸ்டாலின் நடித்த மாமன்னன், மற்றும் வாழை போன்ற வெற்றி படங்களை இயக்கியுள்ளார்.

இதைத் தொடர்ந்து துருவ் விக்ரம் கதாநாயகனாக நடிக்கும் புதிய படத்தை மாரி செல்வராஜ் இயக்கியுள்ளார். இந்தப்படத்திற்கு பைசன் (காளமாடன்) என்று பெயரிடப்பட்டுள்ளது. பா.ரஞ்சித் தயாரிப்பு நிறுவனம் நீலம் ஸ்டுடியோஸ் மற்றும் அப்ளாஸ் என்டர்டெயின்மெண்ட் இணைந்து இந்த படத்தை தயாரிக்கின்றன. இதில் அனுபமா பரமேஸ்வரன், ரெஜிஷா விஜயன், பசுபதி, கலையரசன் உள்ளிட்ட பலர் முக்கிய கதாபாத்திரங்களில் நடித்துள்ளனர்.
சமீபத்தில் வெளியான பர்ஸ்ட் லுக் போஸ்டர் ரசிகர்களிடம் நல்ல வரவேற்பைப் பெற்றது. மேலும் இப்படம் வரும் அக்டோபர் 17ம் தேதி வெளியாக உள்ளது. தற்போது இப்படத்தின் முதல் சிங்கிள் செப்டம்பர் 1-ஆம் தேதி வெளியாகும் என்று படக்குழுவினர் அறிவித்துள்ளனர்.