ஜி.வி. பிரகாஷ் குமார் தனது 25வது படமான “கிங்ஸ்டன்” என்ற திரைப்படத்தில் நடித்துள்ளார். இந்த படத்தை ஜி.வி. பிரகாஷ்-இன் பேரலல் யுனிவர்ஸ் பிக்சர்ஸ் மற்றும் ஜீ ஸ்டூடியோஸ் இணைந்து தயாரித்துள்ளன. “கிங்ஸ்டன்” படத்தை இயக்குநர் கமல் பிரகாஷ் எழுதி, இயக்கியுள்ளார்.
இது ஜி.வி. பிரகாஷ் குமார் தயாரிக்கும் முதல் படம் ஆகும். இந்த படத்தில் நடிகை திவ்யா பாரதி ஜி.வி. பிரகாஷுக்கு ஜோடியாக நடித்துள்ளார். ஜி.வி. பிரகாஷ் மற்றும் திவ்யா பாரதி நடிப்பில் வெளியான “பேச்சுலர்” திரைப்படம் பெரிய அளவில் பேசப்பட்டு, அதுவும் இந்த ஜோடியின் மீண்டும் இணையும் நிலையில் படத்தின் மீது எதிர்பார்ப்பை அதிகரித்துள்ளது.
சமீபத்தில் இந்த படத்தின் ஃபர்ஸ்ட் லுக் மற்றும் டீசர் வெளியிடப்பட்டன. படப்பிடிப்பு பணிகள் அனைத்தும் முடிந்த நிலையில், இப்படம் வரும் மார்ச் 7-ஆம் தேதி திரைக்கு வரவுள்ளது. இந்நிலையில், இப்படத்தின் முதல் பாடலான “ராசா ராசா” ஜனவரி 31-ஆம் தேதி வெளியிடப்படுவதாக படக்குழு போஸ்டரில் அறிவித்துள்ளது.
