மலையாள சினிமாவின் முன்னணி நடிகர்களில் ஒருவர் இந்திரன்ஸ். இவரது நடிப்பு பாணி எந்த விதமான கதாபாத்திரமாக இருந்தாலும், நகைச்சுவையுடன் அல்லது உணர்ச்சிப்பூர்வமானதாக இருந்தாலும், அதற்கேற்ப அழுத்தம் உள்ளவையாக இருக்கும். தற்போது அவர், மதுபாலா நடிப்பில் உருவாகியுள்ள ‘சின்ன சின்ன ஆசை’ எனும் புதிய திரைப்படத்தில் நடித்துள்ளார்.
1992-ம் ஆண்டு வெளியான ‘ரோஜா’ திரைப்படத்தின் மூலம் பிரபலமடைந்தவர் நடிகை மதுபாலா. ‘சின்ன சின்ன ஆசை’ திரைப்படம் முழுவதுமாக உத்தரப் பிரதேச மாநிலத்தின் வாரனாசியில் படமாக்கப்பட்டுள்ளது. இப்படத்தின் முதல் பார்வை (First Look) போஸ்டரை படக்குழு வெளியிட்டுள்ளது, இதனை இயக்குநர் மணி ரத்னம் வெளியிட்டுள்ளார்.
‘சின்ன சின்ன ஆசை’ திரைப்படத்தை அறிமுக இயக்குநர் வர்ஷா வாசுதேவ் இயக்கியுள்ளார். இவர் இதற்கு முன்னர் ‘எண்டே நாராயணிக்கு’ என்ற குறும்படத்தை இயக்கியவர். இப்படத்தை பாபுஜி நிறுவனம் தயாரித்துள்ளது. ஒளிப்பதிவை சைஸ் சித்திக் மேற்கொள்கிறார் மற்றும் இசை அமைப்பை கோவிந்த வசந்தா கவனித்துள்ளார். இந்த திரைப்படம் விரைவில் திரைக்கு வரும் என எதிர்பார்க்கப்படுகிறது.
