தமிழ் சினிமாவின் முன்னணி இயக்குநர்களில் ஒருவரான அட்லி, ஹிந்தி திரையுலகிற்கு சென்று ஷாரூக் கான் கதாநாயகனாக நடித்த ‘ஜவான்’ படத்தை இயக்கினார். இந்த படம் ரூ.1000 கோடிக்கு மேல் வசூலித்து மிகப்பெரிய வெற்றிப் படமாக மாறியது.
இந்த படத்திற்குப் பிறகு சல்மான் கான் நடிக்கும் ஒரு படத்தை அட்லி இயக்க உள்ளதாக செய்திகள் வெளியானது. அதற்காக கமல்ஹாசனுடனும் பேச்சுவார்த்தை நடைபெற்றதாக கூறப்பட்டது. ஆனால் அந்தப் படம் ‘டேக் ஆப்’ ஆகாமல் நிறுத்தப்பட்டது. அதன்பின்னர் அல்லு அர்ஜுனை நாயகனாக கொண்டு ஒரு புதிய படத்துக்காக அட்லி பேச்சுவார்த்தை நடத்தி முடித்துள்ளதாக கூறப்படுகிறது.
இந்தச் சூழலில் ‘சிக்கந்தர்’ படத்துக்காக ஒரு பேட்டியில் பேசிய அவர், “அட்லி ஒரு பெரிய பட்ஜெட் கொண்ட ஆக்ஷன் கதையை எழுதியிருந்தார். பட்ஜெட்டின் காரணமாகதான் படம் இப்போது தாமதமாகியுள்ளது. இதில் நடிக்கும் மற்ற நடிகர்கள் மற்றும் நடிகைகள் குறித்து எனக்கு எந்தத் தகவலும் இல்லை. பெரிய கூட்டணிகள் உருவாக, சரியான கதை முக்கியம். தற்போது நான் எனது அடுத்த படத்திற்கு மாறிவிட்டேன்,” என தெரிவித்தார். அட்லி – அல்லு அர்ஜுன் இணையும் படத்தின் அதிகாரப்பூர்வ அறிவிப்பு, அல்லு அர்ஜுனின் பிறந்த நாளான ஏப்ரல் 8ம் தேதி வெளியிடப்படும் என தகவல்கள் கூறுகின்றன.
