2019 ஆம் ஆண்டு, அதியன் ஆதிரை இயக்கத்தில் ‘அட்டகத்தி’ தினேஷ் நடித்த இரண்டாம் உலகப்போரின் கடைசி குண்டு திரைப்படம் விமர்சகர்களிடையே நல்ல வரவேற்பைப் பெற்றது. அதன் பின், இவரின் இயக்கத்தில் இரண்டாவது படமாக தண்டகாரண்யம் உருவாகியுள்ளது. இதை, இயக்குநர் பா. ரஞ்சித்தின் நீலம் புரொடக்ஷன்ஸ் நிறுவனம் தயாரித்துள்ளது.
இந்தப் படத்தில் ‘அட்டகத்தி’ தினேஷ், கலையரசன் முக்கிய கதாபாத்திரங்களில் நடித்துள்ளனர். மேலும், பாலசரவணன், முத்துக்குமார், ரித்விகா, வின்சு, அருள்தாஸ், யுவன்மயில்சாமி, சரண்யா ரவிச்சந்திரன் உள்ளிட்ட பலரும் நடித்துள்ளனர். ஜஸ்டின் பிரபாகரன் இசையமைத்துள்ளார். உமாதேவி, அறிவு, தனிகொடி ஆகியோர் பாடல் வரிகளை எழுதியுள்ளனர்.
படப்பிடிப்பு ஏற்கனவே நிறைவடைந்துள்ள நிலையில் சமீபத்தில் அட்டகத்தி தினேஷ் டப்பிங் பணிகளை முடித்துள்ளார். முன்னதாக வெளியான தண்டகாரண்யம் படத்தின் ஃபர்ஸ்ட் லுக் போஸ்டர் கவனம் பெற்றது. தற்போது, தணிக்கை குழு இப்படத்திற்கு ‘யு/ஏ’ சான்றிதழ் வழங்கியுள்ளது. இதன் போஸ்டரை“அமரர்களின் அநீதிகளை பேசும் தண்டகாரண்யம்” என்று குறிப்பிட்டு படக்குழு வெளியிட்டுள்ளனர்.
