‘பீஸ்ட்’ படத்தைத் தொடர்ந்து, தமிழில் சூர்யாவுடன் ‘ரெட்ரோ’ படத்தில் நடித்துள்ள பூஜா ஹெக்டே, அதன் பிறகு விஜய்யுடன் ‘ஜனநாயகன்’ படத்திலும் நடித்து வருகிறார். மேலும், ஹிந்தி திரைப்படமான ‘தேவா’வில் ஷாகித் கபூருக்கு ஜோடியாக நடித்திருக்கிறார். இந்த திரைப்படம் ஜனவரி 31ஆம் தேதி திரையரங்குகளில் வெளியாக உள்ளது.
இந்நிலையில், ‘தேவா’ படத்தை சென்சார் அதிகாரிகளுக்கு திரையிடும் போது, ஷாகித் கபூருடன் பூஜா ஹெக்டே நெருக்கமாக தோன்றும் ஒரு காட்சி ஆட்சேபனையை ஏற்படுத்தியது. இதனைத் தொடர்ந்து, அந்த குறிப்பிட்ட காட்சியிலிருந்து 6 வினாடிகளை நீக்குமாறு படக்குழுவுக்கு உத்தரவிடப்பட்டது. அதற்கு பின்னரே, இந்த ‘தேவா’ திரைப்படத்துக்கு யுஏ சான்றிதழ் வழங்கப்பட்டது.
தற்போது தெலுங்கில் பட வாய்ப்புகள் இல்லாமல், தமிழ் மற்றும் ஹிந்தி மொழிகளிலேயே நடித்து வருகிறார் பூஜா ஹெக்டே. இந்த ‘தேவா’ திரைப்படம் பாலிவுட்டில் தனக்கு ஒரு முக்கியமான திருப்புமுனையாக அமையும் எனவும் அவர் பல பேட்டிகளில் தெரிவித்திருக்கிறார்.
