நடிகர் ஜெயம் ரவி, சமீப காலமாக அகிலன், இறைவன், சைரன், பிரதர் போன்ற படங்கள் மூலம் தொடர்ச்சியான தோல்விகளை சந்தித்து ரசிகர்களை ஏமாற்றத்தில் ஆழ்த்தியுள்ளார். இப்போது இயக்குனர் கிருத்திகா உதயநிதியின் இயக்கத்தில் உருவாகியுள்ள ‘காதலிக்க நேரமில்லை’ என்ற படத்தில் அவர் நித்யா மேனனுடன் இணைந்து முதன்மை கதாபாத்திரங்களில் நடித்துள்ளார். இவர்களுடன் லால், வினய், யோகி பாபு உள்ளிட்ட பலரும் நடித்துள்ளனர்.
இது முழு நீள காதல் கதையுடன் உருவாகும் இப்படத்தை ரெட் ஜெயண்ட் நிறுவனம் தயாரிக்கின்றது. இப்படத்திற்கு இசையமைப்பாளர் ஏ.ஆர். ரஹ்மான் இசையமைக்கிறார். தற்போது இதன் படப்பிடிப்பு இறுதி கட்டத்தை எட்டியுள்ள நிலையில் உள்ளது.
இந்த நிலையில், இப்படத்தை வரும் டிசம்பர் 20ம் தேதி கிறிஸ்துமஸ் விடுமுறை வாரத்தை முன்னிட்டு திரையரங்கில் வெளியிட திட்டமிட்டுள்ளனர் என்ற தகவல்கள் வெளியாகியுள்ளது. இதே நாளில் விடுதலை 2ம் பாகமும் திரைக்கு வரவுள்ளது.
