2023ஆம் ஆண்டு நெல்சன் இயக்கத்தில் ரஜினிகாந்த் நடித்த ‘ஜெயிலர்’ திரைப்படம் வெளியாகியது. சன் பிக்சர்ஸ் நிறுவனம் தயாரித்த இந்த படத்திற்கு அனிருத் இசையமைத்திருந்தார். இத்திரைப்படம் ரூ.600 கோடிக்கு மேல் வசூலித்து சாதனை படைத்தது. இந்த வெற்றியை தொடர்ந்து ‘ஜெயிலர்’ திரைப்படத்தின் இரண்டாம் பாகம் உருவாகி வருகிறது. இதிலும் மோகன்லால் மற்றும் சிவராஜ்குமார் ஆகியோர் கேமியோ வேடங்களில் நடிக்கவுள்ளார்கள்.
சில நாட்களுக்கு முன்பு சென்னையில் ‘ஜெயிலர் 2’ படத்தின் படப்பிடிப்பு பணிகள் ஆரம்பமாகி பரபரப்பாக நடைபெற்று வருகிறது. இதில் எஸ்.ஜே.சூர்யா வில்லனாக நடிக்க உள்ளார் எனத் தகவல்கள் தெரிவிக்கின்றன.
இதனிடையே, ரஜினிகாந்த் ‘கூலி’ படத்தின் தனது பகுதிகளை முடித்துவிட்டு, அதே உற்சாகத்துடன் ‘ஜெயிலர் 2’ படத்தின் படப்பிடிப்பிலும் பங்கேற்று வருகிறார். இந்நிலையில், இன்றைய தினம் ‘ஜெயிலர் 2’ படப்பிடிப்பில் கலந்துகொள்வதற்காக விமானம் மூலம் கோவைக்கு சென்றார் சூப்பர் ஸ்டார். அங்கு ரசிகர்கள் அவருக்கு உற்சாக வரவேற்பு அளித்து மகிழ்ந்தனர்.
