சின்னத்திரையிலிருந்து வெள்ளித்திரைக்கு வந்த நடிகரான ரியோ ராஜ், பிளான் பண்ணி பண்ணணும், நெஞ்சமுண்டு நேர்மையுண்டு ஓடு ராஜா, ஜோ போன்ற படங்களில் நடித்துள்ளார். தற்போது, இசையமைப்பாளர் யுவன் சங்கர் ராஜா தயாரித்துள்ள ஸ்வீட் ஹார்ட் என்ற புதிய படத்தில் கதாநாயகனாக நடித்துள்ளார். இந்தப் படத்தை அறிமுக இயக்குனர் ஸ்வினீத் எஸ். சுகுமார் இயக்கியுள்ளார்.
இத்திரைப்படத்தில், சுழல் வெப் தொடரில் நடித்த கோபிகா ரமேஷ் கதாநாயகியாக நடிக்கின்றார். இதன் படப்பிடிப்பு முழுமையாக நிறைவு பெற்ற நிலையில், தற்போது படத்தின் போஸ்ட் புரொடக்ஷன் பணிகள் நடைபெற்று வருகின்றன. இந்த நிலையில், படத்தின் வெளியீட்டு தேதியைக் குறித்த அதிகாரப்பூர்வ அறிவிப்பு வெளியாகியுள்ளது.
அதன்படி, ஸ்வீட் ஹார்ட் திரைப்படம் வரும் மார்ச் 14ஆம் தேதி திரையரங்குகளில் வெளியாகும் என அறிவிக்கப்பட்டுள்ளது. இளைஞர்களை ஈர்க்கும் வகையில், இது முழுமையாக காதல் கதையாக உருவாகியுள்ளது.
