இந்திய முன்னணி நடிகை ராஷ்மிகா மந்தனா. சமீபத்தில் வெளியாகி நல்ல வரவேற்பைப் பெற்ற ‘குபேரா’ திரைப்படத்தில் நடித்திருந்தார். இப்போது அந்த வெற்றியைத் தொடர்ந்து, அவர் ‘மைசா’ என்ற புதிய திரைப்படத்தில் நடிக்கிறார். இந்தப் படத்தின் படப்பிடிப்பு ஐதராபாத்தில் பூஜையுடன் துவங்கியது.
‘மைசா’ திரைப்படத்தை இயக்குநர் ரவீந்திர புள்ளே இயக்குகிறார். இப்படத்தில் ராஷ்மிகா மந்தனாவின் லுக் போஸ்டர் வெளியாகி ரசிகர்களை கவர்ந்தது. இந்த படத்தை அஜய் மற்றும் அனில் சாய்யபுரெட்டி தயாரிக்கின்றனர். இதில் ராஷ்மிகா, இதுவரை தான் நடிக்காத இல்லாத ஒரு புதிய தோற்றத்தில் நடிக்கவிருக்கிறார்.
இந்தப் படத்தின் பூஜை நிகழ்ச்சியில், ராஷ்மிகா கோண்ட் பழங்குடியினருடன் இணைந்து நடனமாடினார். கோண்ட் பழங்குடியினரின் கலாசார பின்னணியில் அமைந்த, ஆழமான உணர்வுகளுடனும் அதிரடித் திரில்லருடனும் இந்த ‘மைசா’ திரைப்படம் உருவாகி வருகிறது என்பது குறிப்பிடத்தக்கது.
