‘பெத்தி’ பட பாடலுக்கு ஆயிரம் நடன கலைஞர்களுடன் இணைந்து நடனமாடிய ராம் சரண்!

தெலுங்கில் ராம்சரண் நடிப்பில், இயக்குனர் புச்சி பாபு சனா இயக்கத்தில் உருவாகி வரும் படம் பெத்தி. ஜான்வி கபூர் நாயகியாகவும், முக்கியமான வேடத்தில் சிவராஜ்குமார் நடிக்கிறார். இப்படத்திற்கு ஏ.ஆர். ரஹ்மான் இசையமைத்து வருகிறார். வரும் 2026 மார்ச் 27-ஆம் தேதி இப்படம் வெளியாகும் என முன்கூட்டியே அறிவிக்கப்பட்டதால், திட்டமிட்டபடி படப்பிடிப்பு நடைபெற்று வருகிறது.

சமீபத்தில் மைசூரில் ஒரு பிரம்மாண்டமான பாடல் காட்சி படமாக்கப்பட்டது. இந்த பாடலுக்கு ஜானி மாஸ்டர் நடனம் அமைத்துள்ளார். ராம்சரண் உடன் ஆயிரம் டான்ஸர்கள் இணைந்து ஆடியுள்ளனர்.

 ஏ.ஆர். ரஹ்மான் இசையமைத்த இந்த பாடல், படத்தின் ஹைலைட் ஆக பேசப்படும் என படக்குழுவினர் தெரிவித்துள்ளனர்.