அஜித் நடிப்பில் ஆதிக் ரவிச்சந்திரன் இயக்கியுள்ள திரைப்படம் “குட் பேட் அக்லி”. மைத்ரி மூவி மேக்கர்ஸ் நிறுவனம் தயாரித்துள்ள இந்த படத்திற்கு ஜி.வி. பிரகாஷ் இசையமைத்துள்ளார். இப்படம் வரவிருக்கும் ஏப்ரல் 10-ஆம் தேதி திரைக்கு வர உள்ளது. இன்னும் சில நாட்களே உள்ள நிலையில், படத்திற்கான ரசிகர்களின் எதிர்பார்ப்பு அதிகரித்துள்ளது.
இத்திரைப்படத்தில் அஜித்துடன் இணைந்து திரிஷா, பிரசன்னா, சுனில், அர்ஜுன் தாஸ், பிரபு உள்ளிட்ட பலர் முக்கிய கதாபாத்திரங்களில் நடித்துள்ளனர். டீசர் வெளியான 24 மணி நேரத்திற்குள், இதுவரை வெளியான தமிழ் திரைப்பட டீசர்களில் அதிகமான பார்வையாளர்களை பெற்ற டீசராக இது உருவாகியுள்ளது. இதற்குப் பிறகு, “ஓஜி சம்பவம்” என்ற பாடல் வெளியிடப்பட்டு வைரலாகி வருகிறது.
இந்நிலையில், வில்லன் கதாபாத்திரத்தில் நடிக்கும் நடிகர் குறித்த தகவல் வெளியாகியுள்ளது. அதன்படி, தெலுங்கு நடிகர் ரகுராம், இப்படத்தில் பிரதான வில்லனாக நடித்துள்ளதாக கூறப்படுகிறது. முன்னதாக, சிவகார்த்திகேயன் நடித்த “டாக்டர்” படத்தில் வில்லன் கும்பலை சேர்ந்த இரட்டையர்களில் ஒருவராக ரகுராம் நடித்திருந்தார்.
