சுகுமாரின் இயக்கத்தில் உருவாகியுள்ள புஷ்பா படத்தின் இரண்டாவது பாகத்திற்கு “புஷ்பா 2: தி ரூல்” என பெயரிட்டுள்ளனர். இதில் அல்லு அர்ஜுன், ராஷ்மிகா மந்தனா, பகத் பாசில் உள்ளிட்ட பலரும் நடித்துள்ளனர். படத்திற்கு தேவி ஸ்ரீ பிரசாத் இசையமைத்துள்ளார். இப்படத்தின் சில பாடல்கள் வெளியானதும் மக்களிடையே நல்ல வரவேற்பை பெற்றுள்ளன.
புஷ்பா 2 திரைப்படம் வரும் டிசம்பர் 5ஆம் தேதி திரையரங்குகளில் வெளிவர உள்ளது. இந்நிலையில், படக்குழு விரைவில் டிரைலர் வெளியாகும் என அறிவித்த நிலையில், தற்போது டிரைலர் நவம்பர் 17ஆம் தேதி மாலை 6.03 மணிக்கு வெளியாகும் என்று புதிய போஸ்டரை வெளியிட்டு அறிவித்துள்ளனர்.
மேலும், டிரைலர் வெளியீட்டு விழா பாட்னாவில் மிக பிரம்மாண்டமாக நடைபெறும் எனவும் படக்குழு தெரிவித்துள்ளது.அத்துடன், படத்தில் “கிஸிக்” என்ற பாடலுக்கு ஸ்ரீலீலா நடனம் ஆடியுள்ளார் என்பதும் குறிப்பிடத்தக்கது.
