ஜெயம் திரைப்படத்தின் மூலம் தமிழ் சினிமாவில் அறிமுகமான ரவி மோகன், எம் குமரன் மகாலட்சுமி, உனக்கும் எனக்கும், சந்தோஷ் சுப்ரமணியம், பேராண்மை, தனி ஒருவன் போன்ற வெற்றி படங்கள் மூலம் திரைத்துறையில் தனக்கென ஓர் இடத்தை பிடித்துள்ளார். தற்போது அவர் பராசக்தி படத்தில் சிவகார்த்திகேயனுடன் இணைந்து நடித்துவருகிறார். இதற்கிடையில், சமீபத்தில் ‘ரவி மோகன் ஸ்டூடியோஸ்’ என்ற பெயரில் புதிய திரைப்பட தயாரிப்பு நிறுவனம் ஒன்றை தொடங்கியுள்ளார்.
இந்த நிறுவனம் மூலம் முதலில் புரோ கோட் என்ற படத்தை தயாரித்துள்ளார். அடுத்ததாக, ரவி மோகன் இயக்கும் படத்தில் யோகி பாபு முக்கிய கதாப்பாத்திரத்தில் நடிக்கிறார். இந்த படத்தையும் அவரே தயாரிக்க இருக்கிறார். மேலும் இப்படத்திற்கு ‘அன் ஆர்டினரி மேன்’ என தலைப்பு வைக்கப்பட்டுள்ளது.
இந்நிலையில், ரவி மோகன் பிறந்தநாளை முன்னிட்டு நேற்று மாலை அன் ஆர்டினரி மேன் படத்தின் புரோமோ வீடியோ வெளியானது. வித்தியாசமான இந்த ப்ரோமோ தற்போது இணையத்தில் வைரலாகி வருகிறது.
