அறிமுக இயக்குனர் அபிஷன் ஜீவிந்தின் இயக்கத்தில் உருவான ‘டூரிஸ்ட் பேமிலி’ திரைப்படம் சூப்பர் ஹிட் ஆனது. சசிகுமார் மற்றும் சிம்ரன் முன்னணி வேடத்தில் நடித்திருந்தனர். குறைந்த பட்ஜெட்டில் உருவாகி, அதிக லாபத்தை ஈட்டிய படங்களில் இதுவும் ஒன்று.
இந்த படத்தின் வெற்றியை தொடர்ந்து தயாரிப்பாளர் மகேஷ் பசிலியான், இயக்குனர் அபிஷன் ஜீவிந்திற்கு விலையுயர்ந்த பிஎம்டபுள்யூ காரை பரிசளித்துள்ளார். தற்போது இதே தயாரிப்பாளர் தயாரிக்கும் புதிய படத்தில் அபிஷன் ஹீரோவாக களமிறங்கி உள்ளார். இதில் நாயகியாக அனஸ்வரா ராஜன் நடித்துள்ளார். சமீபத்தில் இப்படத்தின் படப்பிடிப்பு நிறைவடைந்தது.
திருச்சியை பூர்வீகமாகக் கொண்ட அபிஷன், சென்னையில் வளர்ந்தவர். தனது தோழியும் காதலியும் ஆன அகிலாவை திருமணம் செய்ய உள்ளதாக அவர் ‘டூரிஸ்ட் பேமிலி’ பட நிகழ்ச்சியில் மேடையில் அறிவித்திருந்தார் என்பது குறிப்பிடத்தக்கது.
