சர்வதேச விருதுக்கு நாமினேடான ஆடுஜீவிதம் படத்தின் ‘பெரியோனே’ பாடல்!

சில மாதங்களுக்கு முன்பு மலையாளத்தில் பிரித்விராஜ் நடிப்பில் இயக்குனர் பிளஸ்சி இயக்கத்தில் ஆடுஜீவிதம் என்கிற திரைப்படம் வெளியானது. பல வருடமாக தயாரிப்பில் இருந்த இந்த திரைப்படம் தாமதமாக வெளியானாலும் ரசிகர்களிடம் மிகப்பெரிய வரவேற்பை பெற்றது. இந்த படத்திற்கு இசையமைத்ததன் மூலம் நீண்ட இடைவெளிக்கு பிறகு மலையாள திரை உலகிற்கு திரும்பி இருந்தார் இசையமைப்பாளர் ஏ.ஆர்.ரஹ்மான். இந்த படத்தில் பாடலும் பின்னணி இசையும் கூட நன்கு பேசப்பட்டன.இந்த நிலையில் தற்போது இந்த படத்தில் இடம் பெற்றிருந்த பெரியோனே என்கிற பாடல் 2024ம் வருடத்திற்கான ஹாலிவுட் மியூசிக் அண்ட் மீடியா அவார்ட்ஸ் விருதுக்காக நாமினேட் செய்யப்பட்டுள்ளது. இந்த விருதுகளுக்கு ஆடுஜீவிதம் படத்தில் இருந்து சிறந்த பாடல் என்கிற பிரிவில் பெரியோனே என்கிற பாடலும் சிறந்த வெளிநாட்டு படத்திற்கான இசை என்கிற பிரிவில் பின்னணி இசைக்காகவும் என இரண்டு பிரிவுகளில் இந்த படம் நாமினேட் செய்யப்பட்டுள்ளது.