பவர் ஸ்டார் பவன் கல்யாண் ஒரு அரசியல்வாதியும், தெலுங்கு சினிமாவின் முன்னணி நடிகரும் ஆவார். அவர் ‘அக்கட அம்மாயி இக்கட அப்பா’ என்ற திரைப்படத்தின் மூலம் நடிகராக அறிமுகமானார். அதன்பிறகு, அவர் நடித்த பல படங்கள் பிளாக்பஸ்டர் வெற்றி பெற்றன.
தற்போது, பவன் கல்யாண் தனது ‘ஹரி ஹர வீர மல்லு’ படத்தின் படப்பிடிப்பை முடித்துள்ளார். இந்தப் படத்தை கிரிஷ் மற்றும் ஜோதி கிருஷ்ணா இணைந்து இயக்கியுள்ளனர். இசையை கீரவாணி அமைத்துள்ளார். இப்படத்தில் நாயகியாக நிதி அகர்வால் நடித்துள்ளார். தமிழ், தெலுங்கு, இந்தி, மலையாளம், கன்னடம் ஆகிய பான் இந்தியா மொழிகளில் இப்படம் வெளியாக இருக்கிறது.
முதலில், இந்தப் படம் வருகிற மார்ச் 28-ம் தேதி வெளியாகும் என அறிவிக்கப்பட்டது. அதே நாளில் நிதின் நடித்த ‘ராபின்ஹுட்’ படமும் வெளியிடப்பட உள்ளதால், இரு படங்களுக்கும் மிகுந்த எதிர்பார்ப்பு ஏற்பட்டது.இந்நிலையில், ஹோலி பண்டிகையை முன்னிட்டு, ‘ஹரி ஹர வீர மல்லு’ படக்குழு புதிய வெளியீட்டு தேதியை அறிவித்துள்ளது. அதன்படி, இந்தப் படம் மே 9-ம் தேதி வெளியாகும் என அதிகாரப்பூர்வமாக அறிவிக்கப்பட்டுள்ளது.
