இயக்குநர் சுதா கொங்கரா இயக்கத்தில் சிவகார்த்திகேயன் நடிக்கும் புதிய திரைப்படம் பராசக்தி ஆகும். இப்படத்தில் அதர்வா, ஸ்ரீலீலா, ரவி மோகன் ஆகியோர் முக்கிய கதாபாத்திரங்களில் நடித்துள்ளனர். இதில் சிவகார்த்திகேயன் கல்லூரி மாணவனாக தோன்றுகிறார். இப்படத்திற்கான இசையை ஜி.வி. பிரகாஷ் குமார் அமைத்துள்ளார். கதாநாயகியாக ஸ்ரீலீலா நடித்துள்ளார். இப்படம் இந்தி திணிப்பு என்ற சமூகப் பிரச்சினையை மையமாகக் கொண்டு உருவாக்கப்பட்டுள்ளதாக கூறப்படுகிறது.
படத்தின் படப்பிடிப்பு காரைக்குடி, மதுரை, இலங்கை மற்றும் பொள்ளாச்சி உள்ளிட்ட இடங்களில் நடைபெற்றது. இறுதிக்கட்ட படப்பிடிப்பு சென்னையில் நடைபெற்றது, இதன் மூலம் படப்பிடிப்பு முழுமையாக நிறைவு பெற்றுள்ளது. தற்போது இப்படத்திற்கான பின்னணி வேலைகள் தீவிரமாக நடைபெற்று வருகின்றன.
பராசக்தி திரைப்படத்தின் ஆடியோ உரிமையை சரிகமா சவுத் நிறுவனம் பெற்றுள்ளது. அடுத்த ஆண்டு பொங்கல் பண்டிகையை முன்னிட்டு ஜனவரி 14ஆம் தேதி பராசக்தி திரைப்படம் திரையரங்குகளில் வெளியாக இருப்பதாக அறிவிக்கப்பட்டுள்ளது. இதற்கிடையில், இப்படத்தின் முதல் பாடலின் புரமோ நாளை மாலை 5 மணிக்கு வெளியாகும் என படக்குழுவினர் அதிகாரப்பூர்வ போஸ்டர் வெளியிட்டு அறிவித்துள்ளனர்.
