சமீபத்தில் நடைபெற்ற ஆஸ்கர் விருது வழங்கும் விழாவில் எந்த ஒரு இந்தியப்படமும் தேர்வு செய்யப்படவில்லை. எனினும், லண்டனில் வசிக்கும் இந்திய இயக்குனர் சந்தியா சூரி இயக்கிய ‘சந்தோஷ்’ என்ற திரைப்படம் இறுதி சுற்றுக்குத் தேர்வாகியது. இந்த படம் இங்கிலாந்து சார்பாக ஆஸ்கர் போட்டியில் பங்கேற்றது. தற்போது இந்த படத்தை இந்தியாவில் வெளியிடும் முயற்சிகள் நடைபெற்று வருகின்றன. இதற்காக படம் தணிக்கைக்காக அனுப்பப்பட்டது. ஆனால், இந்திய தணிக்கை வாரியம் இந்த படத்தை வெளியிட தடை விதித்துள்ளது.
இந்த படத்தில் இடம்பெறும் சில கருத்துகள் மற்றும் காட்சிகள் இந்தியாவில் சட்ட ஒழுங்கு பிரச்னையை ஏற்படுத்தக்கூடும் என்பதால், அந்த காட்சிகள் மற்றும் வசனங்களை நீக்கினாலேயே வெளியிட அனுமதிக்கப்படும் என்று தணிக்கை வாரியம் கூறியுள்ளது. ஆனால், படக்குழு அதற்குப் படவேண்டாம் என மறுத்துவிட்டது.
இதனால், இந்தப் படத்தை நேரடியாக ஓடிடி தளத்தில் வெளியிடலாமா என்பதைப் பற்றி படக்குழு ஆலோசித்து வருகிறது. இந்தக் கதை வடஇந்தியாவில் நடக்கின்ற ஒரு சம்பவத்தை அடிப்படையாகக் கொண்டது. இதில் கணவன் இறந்த பிறகு அவரது பதிலாக காவல் பணியில் சேர்ந்த ஒரு பெண்ணின் வாழ்க்கை கூறப்படுகிறது. இத்திரைப்படம், வடஇந்தியாவில் நிலவும் சாதிய வேறுபாடுகள், இஸ்லாமியர் எதிர்ப்பு, பாலியல் வன்முறை ஆகியவை குறித்தும் பேசுகிறது.
