மோகன்லால் நடிக்கும் பான் இந்தியா திரைப்படம் ‘விருஷபா’ தற்போது ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது. இந்தப் படத்தை கன்னட இயக்குநர் நந்தா கிஷோர் எழுதி இயக்கியுள்ளார். இதில் ரோஷன் மேகா, ஸ்ரீகாந்த் மேகா, ராகிணி திவேதி, நேகா சக்ஸேனா, சஹ்ரா எஸ்.கான் உள்ளிட்ட பலரும் முக்கிய கதாபாத்திரங்களில் நடித்துள்ளனர்.
இந்த படத்தை ஏ.வி.எஸ் ஸ்டுடியோ சார்பில் அபிஷேக் வியாஸ், பர்ஸ்ட் ஸ்டெப் மூவிஸ் சார்பில் ஷியாம் சுந்தர், பாலாஜி டெலிஃபிலிம்ஸ் சார்பில் ஏக்தா கபூர், கனெக்ட் மீடியாவுக்காக வருண் மாத்தூர் ஆகியோர் இணைந்து தயாரித்துள்ளனர்.
தமிழில் லொடுக்கு பாண்டி, ஒரு மெல்லிய கோடு, வன்முறை உள்ளிட்ட சில படங்களில் நடித்திருந்த நேகா சக்ஸேனா இந்தப் படத்திலும் முக்கிய கதாபாத்திரத்தில் நடித்துள்ளார்.‘விருஷபா’ திரைப்படம் காதலும் பழிக்கு பழி வாங்கும் உணர்வும் என இரண்டு நேர் எதிர் உணர்ச்சிகளுக்கிடையேயான மோதலை மையமாகக் கொண்டு உருவாகியுள்ளது. அதே நேரத்தில், இது பிரம்மாண்டமான ஆக்ஷன் என்டர்டெய்னராகவும், அப்பா-மகன் இடையிலான உறவை மையப்படுத்திய உணர்ச்சி மிகுந்த கதை என்றும் கூறப்படுகிறது.
இப்படத்திற்காக இசையமைத்துள்ளார் சாம்.சி.எஸ். மோகன்லால் தனது டப்பிங் பணிகளை முடித்துவிட்டார். முதலில், இப்படம் நவம்பர் 6ம் தேதி வெளியாகும் என அறிவிக்கப்பட்டிருந்தது. ஆனால் சமீபத்திய அப்டேட்டின் படி, ‘விருஷபா’ திரைப்படம் தற்போது டிசம்பர் 25ம் தேதி திரையரங்குகளில் வெளியாகவுள்ளது.
