‘ஜப்பான்’ படத்தின் தோல்விக்கு பிறகு, ராஜு முருகன் இயக்கும் புதிய படம் ‘மை லார்ட்’. இந்தப் படத்தில் சசிகுமார் கதையின் நாயகனாக நடிக்கிறார். சைத்ரா ஜே.ஆச்சார், குரு சோமசுந்தரம், ஆஷா சரத், இயக்குனர் கோபி நயினார், வசுமித்ரா மற்றும் பலர் இந்தப் படத்தில் நடிக்கின்றனர்.
நீரவ் ஷா ஒளிப்பதிவு செய்ய, ஷான் ரோல்டன் இசையமைக்கிறார். ஒலிம்பியா மூவிஸ் நிறுவனம் சார்பில் ஜெயந்தி அம்பேத்குமார் தயாரிக்கிறார்.
இப்படத்தின் படப்பிடிப்பு பணிகள் முடிந்து, தற்போது படப்பிடிப்புக்குப் பின்தொழில்நுட்ப பணிகள் நடைபெறுகின்றன. இந்நிலையில், ‘மை லார்ட்’ படத்தின் பர்ஸ்ட் லுக் வெளியிடப்பட்டுள்ளது. ‘ஜிப்ஸி’ மற்றும் ‘ஜப்பான்’ படங்கள் தோல்வியடைந்தபிறகு, ராஜு முருகன் இந்தப் படத்தை இயக்கி வருகிறார். வெற்றியோடு திரும்ப வேண்டிய நிலையில், இந்தப் படம் அவரது கேரியருக்கு முக்கியமானதாக இருக்கிறது.
