ரீ ரிலீஸாகிறது மோகன்லாலின் ‘சோட்டா மும்பை’ திரைப்படம்!

மலையாளத்தில் மோகன்லால் நடித்த ‘எம்புரான்’ மார்ச் மாதத்திலும், ‘தொடரும்’ படம் ஏப்ரல் மாதத்திலும் என மாதத்திற்கு ஒரு படம் வெளியாகி வசூலையும் வாரி குவித்து வருகிறது. குறிப்பாக சமீபத்தில் இயக்குனர் தருண் மூர்த்தி இயக்கத்தில் வெளியான ‘தொடரும்’ படத்திற்கு, ‘எம்புரான்’ படத்தை விட, குடும்ப ரசிகர்கள் அதிக அளவில் படையெடுத்து வருகிறார்கள். இப்படி மோகன்லாலின் படங்கள் அடுத்தடுத்து வெளியாகி ரசிகர்கள் கொண்டாட்ட மனநிலையில் இருந்தாலும் கூட இதுவும் போதாது என்று அடுத்த மாதம் அவரது சூப்பர்ஹிட் படமான ‘சோட்டா மும்பை’ படத்தை ரீ ரிலீஸ் செய்ய இருக்கிறார்கள். வரும் மே 21ம் தேதி இந்த படம் ரீ ரிலீஸ் ஆக இருக்கிறது என்று அதிகாரப்பூர்வ அறிவிப்பு வெளியாகி உள்ளது.