Touring Talkies
100% Cinema

Tuesday, April 1, 2025

Touring Talkies

ஜூலையில் ரிலீஸாகும் வடிவேலு – பகத் பாசில் கூட்டணியில் உருவான ‘மாரீசன்’ !

Share

- Advertisement -
- Advertisement -
- Advertisement -

தன் நகைச்சுவை திறமையால் தமிழ் திரைப்பட உலகில் வெற்றி கண்டவர் வடிவேலு. பின்னர் ஹீரோவாகவும் நடித்த அவர், தற்போது காமெடி மற்றும் குணச்சித்திர கதாபாத்திரங்களில் நடித்து வருகிறார். தனது அபாரமான நகைச்சுவை கலந்த நடிப்புக்காக ‘வைகைப்புயல்’ என அழைக்கப்படும் அவர், நீண்ட இடைவெளிக்குப் பிறகு சுந்தர்.சி இயக்கும் “கேங்கர்ஸ்” படத்தில் நடிக்க இருப்பதாக அறிவிக்கப்பட்டது. இப்படத்தின் பர்ஸ்ட் லுக் போஸ்டர் வெளியானது.

‘மாமன்னன்’ படத்துக்குப் பிறகு பகத் பாசில் மற்றும் வடிவேலு இணைந்து நடிக்க உள்ள புதிய படத்திற்கு ‘மாரீசன்’ என்று பெயரிடப்பட்டுள்ளது. ஆர்பி சௌத்ரியின் சூப்பர் குட் பிலிம்ஸ் நிறுவனம் தயாரிக்கும் 98வது படமாக உருவாகும் இப்படத்தை, இயக்குநர் சுதீஷ் சங்கர் இயக்குகிறார். அவர் 2009ஆம் ஆண்டு வெளியான ‘ஆறு மனமே’ படத்தையும், 2014ஆம் ஆண்டு திலீப் நடித்த மலையாள திரைப்படமான ‘வில்லாலி வீரன்’ படத்தையும் இயக்கியவர். இந்த படத்திற்கு யுவன் சங்கர் ராஜா இசையமைக்கிறார். ‘மாமன்னன்’ படத்துக்குப் பிறகு பகத் பாசில் மற்றும் வடிவேலு மீண்டும் இணைவதால், இப்படத்தின் மீதான எதிர்பார்ப்பு அதிகரித்துள்ளது.

இந்த நிலையில், ‘மாரீசன்’ திரைப்படம் ஜூலை மாதத்தில் திரையரங்குகளில் வெளியாகும் என தயாரிப்பு நிறுவனம் அதிகாரப்பூர்வமாக அறிவித்துள்ளது.

- Advertisement -

Read more

Local News