பிக்பாஸ் நிகழ்ச்சியின் வரலாற்றில் முதன் முறையாக, போட்டி தொடங்கிய 24 மணி நேரத்துக்குள், ஒரு போட்டியாளர் வெளியேற்றப்படுவார் என புதிய ஹோஸ்ட் விஜய் சேதுபதி அறிவித்துள்ளார். இந்த எதிர்பாராத அறிவிப்பு மக்களிடம் பெரும் விவாதத்தை உருவாக்கியுள்ளது. தமிழக மக்களிடையே அதிக வரவேற்பைப் பெற்ற விஜய் டிவியின் பிக்பாஸ் நிகழ்ச்சியின் 8வது சீசன் நேற்று மிகுந்த கோலாகலத்துடன் தொடங்கியது. இந்த முறை புதிய ஹோஸ்ட், பெரும் வீடு மற்றும் பல புதுமைகளுடன் தொடங்கிய நிலையில், முதல் எபிசோடின் முடிவு ரசிகர்களுக்கு மிகுந்த அதிர்ச்சியை ஏற்படுத்தியுள்ளது.
தமிழ் தொலைக்காட்சி வரலாற்றில் முக்கியமான விஜய் டிவியில், கடந்த 7 ஆண்டுகளாக ஒவ்வொரு சீசனிலும் பல்வேறு புதுமைகளுடன் மக்களிடையே வரவேற்பைப் பெற்ற பிக்பாஸ் நிகழ்ச்சியின் 8வது சீசன் இன்று மிகுந்த சிறப்புடன் ஆரம்பமானது. இந்த முறை, நடிகர் விஜய் சேதுபதி ஹோஸ்டாக களம் இறங்கி, புதிய போட்டியாளர்களை தன் தனிப்பட்ட பாணியில் அறிமுகப்படுத்தி நிகழ்ச்சியை தொடங்கினார்.
ஒவ்வொரு போட்டியாளரையும் தனித்தனியாக அறிமுகப்படுத்தியதுடன், ஆண்களா அல்லது பெண்களா என வீட்டினரைக் குழுக்களாக பிரித்து ரசிகர்களுக்கு ஆச்சரியத்தை ஏற்படுத்தினார். எபிசோடின் முடிவில் மேலும் ஒரு அதிர்ச்சியைக் கொடுத்து, இந்த அறிவிப்பு போட்டியாளர்களை மிகுந்த அதிர்ச்சிக்குள்ளாக்கியது. வீட்டிற்குள் நுழைந்த உடனேயே அறிவிக்கப்பட்ட வெளியேற்றம், வீட்டினரிடையே பெரும் விவாதத்தை ஏற்படுத்தியது. இதனால் பிக்பாஸ் வீட்டிலிருந்து 24 மணி நேரத்துக்குள் சாச்சனா வெளியேற்றப்பட்டார்.
