வாழு…வாழ விடு… அஜித் வசனத்தை சொல்லி ரசிகரை ஆஃப் செய்த சமந்தா… என்னதான் ஆச்சு?

நடிகை சமந்தா சமூக வலைத்தளத்தில் ரசிகர்களுடன் கலந்துரையாடினார். அப்போது ஒரு ரசிகர் சமந்தாவிடம், “உங்கள் உடல் எடையை கொஞ்சம் கூட்டுங்கள் மேடம்,” என்று கூறினார். இது சமந்தாவுக்கு எரிச்சலூட்டியதால் அவர் அந்த ரசிகருக்கு பதிலளித்தார்.

சமந்தா பதிலளிக்கையில், “மீண்டும் மீண்டும் என் உடல் எடையைப் பற்றி கேட்கிறார்கள். என் உடல் எடை எவ்வாறு இருக்க வேண்டும் என எனக்குத் தெரியும்.

தற்போது நான் அழற்சி எதிர்ப்பு உணவுகளை எடுத்துக் கொண்டுள்ளேன். அதனால் எனது உடல் எடை சரியான அளவில் உள்ளது. எனது ஆரோக்கிய நிலை காரணமாக நான் இவ்வாறு இருக்க வேண்டும். தயவு செய்து பிறரை மதிப்பீடு செய்வதை நிறுத்துங்கள். வாழுங்கள் மற்றவர்களையும் வாழவிடுங்கள்,” என்றார். சமந்தா தற்போது “சிட்டாடல் ஹனி பன்னி” வெப் தொடரில் நடித்துவருகிறார். மேலும் சில படங்களில் நடிக்க ஒப்பந்தமாகியுள்ளார்.