தெலுங்கு திரையுலகத்தின் முன்னணி நடிகர்களில் ஒருவராக இருக்கும் பவன் கல்யாண், தனது அரசியல் கட்சியை தொடங்கி சில தோல்விகளை சந்தித்துள்ளார். இருப்பினும், அவர் விடாமுயற்சியால், சில மாதங்களுக்கு முன்பு நடைபெற்ற ஆந்திர சட்டமன்றத் தேர்தலில், தெலுங்கு தேசம் மற்றும் பாஜக ஆகிய கட்சிகளுடன் கூட்டணி வைத்து போட்டியிட்டு, அனைத்து இடங்களிலும் வெற்றியைப் பெற்றார். பவன் கல்யாண் வெற்றி பெற்று துணை முதல்வராகவும் மக்களின் வரவேற்பைப் பெற்று வருகிறார்.
முதல்வர் சந்திரபாபு நாயுடுவின் உறவினரும், முன்னணி நடிகருமான ஜூனியர் என்டிஆர், தமது கட்சிக்காக எந்த பிரசாரத்திலும் ஈடுபடவில்லை. இருப்பினும், தேவரா 1 படத்தின் வெளியீட்டிற்கான சிறப்பு அனுமதிகள் மற்றும் கூடுதல் கட்டண உயர்வுக்காக, ஆந்திர அரசு சார்பில் உத்தரவுகள் பிறப்பிக்கப்பட்டன. அதற்காக, ஜூனியர் என்டிஆர், சந்திரபாபு நாயுடுவுக்கும், பவன் கல்யாணுக்கும் நன்றி தெரிவித்தார். அதற்கு பவன் கல்யாண், “உங்கள் பட வெளியீட்டிற்கான எனது வாழ்த்துகள், ஜூனியர் என்டிஆர் காரு. சந்திரபாபு நாயுடுவின் தலைமையிலான அரசு, தெலுங்கு திரையுலகத்திற்குத் தேவையான ஆதரவை வழங்கி வருகிறது,” என தெரிவித்துள்ளார்.
மேலும், தேவரா 1 படத்தின் தயாரிப்பு நிறுவனத்தின் நன்றிக்கு பதிலளிக்கையில், “தனி நபர்களின் அரசியல் சார்புகளைப் பொருட்படுத்தாமல், தெலுங்கு திரையுலகத்திற்கு ஆதரவாகவும், சிறந்த முறையிலும் செயல் பட்டு வருகிறோம். ஒய்எஸ்ஆர் காங்கிரஸ் கட்சியைப் போல திரைப்பட தயாரிப்பாளர்களை தொந்தரவு செய்ய ஒரு போதும் இல்லை. அந்த ஆட்சியில் சினிமா தயாரிப்பாளர்கள் மற்றும் நடிகர்கள் பட்ட கஷ்டங்கள் எனக்கு நன்கு தெரியும்,” என அவர் கூறியுள்ளார்.
