தமிழில் புதிதாக அறிமுகமான இயக்குனர் அபிஷன் ஜீவிந்த் இயக்கத்தில் உருவாகிய படம் ‘டூரிஸ்ட் பேமிலி’. தனது முதல் படத்திலேயே திறமையான இயக்குநராக வெற்றியைப் பெற்ற அவர், அந்த படத்தில் ஒரு முக்கியமான குணச்சித்திர வேடத்தில் நடித்து சிறந்த பாராட்டுகளையும் பெற்றார்.
தற்போது அபிஷன் ஜீவிந்த் கதாநாயகனாக நடிக்கும் புதிய படத்தை, அவரின் உதவி இயக்குனர் மதன் இயக்கி வருகிறார். இதில் கதாநாயகியாக மலையாளத் திரைப்பட நடிகை அனஸ்வரா ராஜன் நடிக்கிறார். இந்த படத்தை சவுந்தர்யா ரஜினிகாந்த் அவர்களின் ஜியான் பிலிம்ஸ் நிறுவனமும், ‘டூரிஸ்ட் பேமிலி’ படத்தின் இணை தயாரிப்பாளரான மகேஷ் ராஜ் பசிலனின் எம்.ஆர்.பி. எண்டர்டெயின்மெண்ட் நிறுவனமும் இணைந்து தயாரித்துள்ளன. இப்படத்திற்கான இசையை ஷான் ரோல்டன் அமைத்துள்ளார்.
சமீபத்தில் இப்படத்தின் படப்பிடிப்பு முழுமையாக நிறைவு பெற்று, தற்போது பின்னணி பணிகள் (போஸ்ட் புரொடக்ஷன்) நடைபெற்று வருகின்றன. இதுவரை இப்படத்தின் தலைப்பு அறிவிக்கப்படவில்லை என்றாலும், தற்போது படக்குழு இந்த படத்திற்கு ‘வித் லவ்’ என்ற பெயரை வைக்க திட்டமிட்டுள்ளதாக தகவல் வெளியாகியுள்ளது.
