பென்ஸ் பட கதைக்கும் லியோ பட கதைக்கும் நேரடி தொடர்பா? வெளியான புது தகவல்!

இயக்குநர் லோகேஷ் கனகராஜ் தயாரிப்பில் தற்போது ‘பென்ஸ்’ என்ற திரைப்படம் உருவாகி வருகிறது. இப்படத்தை பாக்கியராஜ் கண்ணன் இயக்குகிறார். இதில் ராகவா லாரன்ஸ் நாயகனாகவும், நிவின் பாலி வில்லனாகவும் நடித்துவருகின்றனர்.

இந்தப்படம், லோகேஷ் கனகராஜ் யுனிவர்ஸுடன் (LCU) தொடர்புடையதாக உருவாகி வருவதாக கூறப்படுகிறது., ‘கைதி’, ‘விக்ரம்’, ‘லியோ’ போன்ற படங்களின் வரிசையில் இப்படமும் எல்.சி.யூவில் இணைகிறது.

மேலும், இப்படத்தின் படப்பிடிப்பு ‘லியோ’ படப்பிடிப்பு நடைபெற்ற அதே செட்டில் நடைபெறுவதால், ரசிகர்கள் மற்றும் சினிமா வட்டாரங்களில் ‘பென்ஸ்’ கதைக்கும் ‘லியோ’ கதைக்கும் சம்பந்தம் இருக்கலாம் என்ற ஊகங்கள் எழுந்துள்ளன. இதனால், இப்படம் குறித்து ரசிகர்கள் மத்தியில் பெரும் எதிர்பார்ப்பு உருவாகியுள்ளது.