கார்த்தி நடித்திருக்கும் “மெய்யழகன்” திரைப்படம் ரசிகர்களின் கவனத்தை ஈர்த்து, வெற்றி படமாகியது. காதல் மற்றும் ஆக்சன் இல்லாமல், இரு ஆண்களின் பழைய நினைவுகளை மையமாகக் கொண்டு ஒரு அழகான கிராமத்து கதைக்களத்தில் உருவாக்கப்பட்ட இப்படம் பாராட்டுக்குரிய விமர்சனங்களை பெற்றது.
அதன் தொடர்ச்சியாக, “சூது கவ்வும்”, “காதலும் கடந்து போகும்” போன்ற படங்களை இயக்கிய இயக்குநர் நலன் குமாரசாமியின் இயக்கத்தில் கார்த்தி நடித்து முடித்துள்ளார். இப்படத்தில் நாயகியாக கிருத்தி ஷெட்டி நடிக்க, வில்லனாக நடிகர் சத்யராஜும், முக்கியமான வேடத்தில் நடிகர் ராஜ்கிரணும் இணைந்துள்ளனர். இப்படத்திற்கு “வா வாத்தியார்” எனப் பெயரிட்டுள்ளனர், மற்றும் இப்படத்துக்கு சந்தோஷ் நாராயணன் இசையமைத்துள்ளார்.
இந்தப் படம் அடுத்தாண்டு பொங்கல் பண்டிகைக்கு, ஜனவரி மாதம் வெளியிடப்பட இருக்கிறது. இந்நிலையில், “வா வாத்தியார் ” படத்தின் டீசர், நவம்பர் 14ஆம் தேதி கங்குவா வெளியாகும் திரையரங்குகளில் வெளியிட தயாரிப்பு நிறுவனம் முடிவு செய்துள்ளதாக தகவல்கள் வெளியாகியுள்ளது.
