தமிழ் சினிமாவில் “சுக்ரன்” படம் மூலம் இசையமைப்பாளராக அறிமுகமானவர் விஜய் ஆண்டனி. அதன்பின், பல படங்களுக்கு இசையமைத்து முன்னணி இசையமைப்பாளராக உயர்ந்தார். இடையில், “நான்” என்ற படம் மூலம் நடிகராக அறிமுகமானார். பின்னர், அவர் நடித்த “பிச்சைக்காரன்” படம் மிகப்பெரிய வெற்றியைப் பெற்றது. ஆனால், கடந்த ஆண்டு வெளியான “ரோமியோ”, “மழைபிடிக்காத மனிதன்”, “ஹிட்லர்” போன்ற படங்கள் அவரது நடிப்பில் எதிர்பார்த்த வெற்றியைப் பெறவில்லை. தற்போது, விஜய் ஆண்டனி நடிப்பில் “ககன மார்கன்” படம் விரைவில் வெளியாக உள்ளது.
இதற்கிடையே, அருண்பிரபு இயக்கத்தில் விஜய் ஆண்டனி நடிக்கும் படம் “சக்தித் திருமகன்”. இதில் கதாநாயகியாக த்ரிப்தி நடிக்கிறார். இப்படத்தின் டீசர் சமீபத்தில் வெளியிடப்பட்டது. அதைத் தொடர்ந்து, படத்தின் படப்பிடிப்பு பணிகள் நடைபெற்று வருகின்றன.
இந்நிலையில், விஜய் ஆண்டனியின் அடுத்த படம் குறித்த தகவல் வெளியாகியுள்ளது. சமீபத்தில் வெளியாகி விமர்சன ரீதியாக பாராட்டப்பட்ட “ஜென்டில்வுமன்” படத்தின் இயக்குநர் ஜோசுவா சேதுராமனுடன் விஜய் ஆண்டனி இணைந்து பணியாற்ற உள்ளார். விரைவில் இது தொடர்பான அதிகாரப்பூர்வ அறிவிப்பு வெளியாகும் என்று கூறப்படுகிறது.
