ரோமஞ்சம் படத்தை இயக்கிய ஜித்து மாதவன் இயக்கத்தில் உருவான ஆவேஷம் திரைப்படத்தில், பிரபல நடிகர் ஃபகத் ஃபாசில் முன்னணி கதாபாத்திரத்தில் நடித்துள்ளார். இப்படம் கலவையான விமர்சனங்களைப் பெற்றாலும், ஃபகத்தின் தீவிரமான நடிப்பால் வணிகரீதியாக வெற்றி பெற்றது.
படத்தின் கதையில், பெங்களூருவைச் சேர்ந்த கேங்க்ஸ்டரான ரங்கனை (ஃபகத்) சந்திக்கும் மூன்று கல்லூரி மாணவர்கள், அவரால் ஏற்பட்ட பல பிரச்சனைகளில் சிக்குகின்றனர். சுஷின் ஷியாம் இசையமைத்த இந்த படத்தின் பாடல்கள் பெரிய அளவில் பாராட்டைப் பெற்றன. குறிப்பாக, இலுமினாட்டி பாடல், இசையும் வரிகளும் ரசிகர்களிடையே பெரிதும் கொண்டாடப்பட்டு வருகிறது.தயாரிப்பு தரப்பில் மிகுந்த வரவேற்பைப் பெற்றுள்ள இப்படம் உலக அளவில் ரூ. 150 கோடிக்கு மேல் வசூலித்துள்ளது, இது ஃபகத் ஃபாசிலின் மிக அதிக வசூலித்த திரைப்படமாகும். மேலும், இப்படம் ஓடிடி தளத்திலும் வெளியிடப்பட்டு, அதிகமான பார்வையாளர்களின் கவனத்தை ஈர்த்தது.
இந்த வெற்றியைத் தொடர்ந்து, தெலுங்கு மொழியில் இப்படத்தை ரீமேக் செய்ய பிரபல தயாரிப்பு நிறுவனம் முன்வந்துள்ளது. முதலில், தெலுங்கு நடிகர் நந்தமுரி பாலகிருஷ்ணா நாயகனாக நடிப்பார் என கூறப்பட்டது. ஆனால், அவர் தனது அடுத்தடுத்த படங்களின் பணிகளில் முழுமையாக கவனம் செலுத்துவதால், ரீமேக்கில் நடிக்கவில்லை. தற்போது, இந்த ரீமேக்கில் நடிகர் ரவி தேஜா நடிக்க ஆர்வம் தெரிவித்துள்ளாராம். இதுகுறித்து ஆரம்பக் கட்ட பேச்சுவார்த்தைகள் நடைபெற்று வருவதாகவும் தகவல்கள் வெளியாகியுள்ளன.
