காதல், டூயட் எல்லாம் இல்லாமல் முழுநீள ஆக்ஷன் படமாக உருவாகிறதா ‘பென்ஸ்’ ?

இயக்குனர் லோகேஷ் கனகராஜ் கதை மற்றும் தயாரிப்பில் உருவாகி வரும் படம் ‘பென்ஸ்’. ரெமோ பட இயக்குனர் பாக்யராஜ் கண்ணன் இயக்கும் இந்த படத்தில் கதாநாயகனாக ராகவா லாரன்ஸ் நடிக்கிறார். வில்லன் கதாபாத்திரத்தில் மலையாள நடிகர் நிவின் பாலி நடிக்கிறார். இந்த படத்தில் ஒரு முக்கியமான கதாபாத்திரத்தில் சம்யுக்தா நடிக்கின்றார்.

ஏற்கனவே இதன் முதற்கட்ட படப்பிடிப்பு நிறைவு பெற்று தற்போது அடுத்தகட்ட படப்பிடிப்பு சென்னை பின்னி மில்லில் பிரமாண்டமான அரங்கம் அமைத்து நடத்தி வருவதாக தகவல்கள் வெளியாகியுள்ளன.

இந்த நிலையில் இந்த படத்தில் கதாநாயகனாக நடிக்கும் ராகவா லாரன்ஸ் கதாபாத்திரத்திற்கு ஜோடி இல்லை என்றும் காதல் காட்சி, டூயட் இல்லாமல் முழுநீள அதிரடியான ஆக்சன் படமாக உருவாகி வருவதாக தகவல்கள் வெளியாகியுள்ளன.