‘மீசைய முறுக்கு 2’ உருவாகிறதா? வெளியான முக்கிய அப்டேட்!

2017 ஆம் ஆண்டு ‘ஹிப் ஹாப்’ ஆதி இசையமைத்து, இயக்கி, கதாநாயகனாக நடித்த ‘மீசைய முறுக்கு’ திரைப்படம் வெளியானது. ஆதி வாழ்க்கையில் நிகழ்ந்த ஒரு சுவாரஸ்யமான சம்பவத்தை மையமாகக் கொண்டு உருவான இந்த படம் பெரும் வரவேற்பைப் பெற்றது.

இந்த படத்தின் மூலமாகவே ஆதி இயக்குநராகவும், கதாநாயகனாகவும் அறிமுகமானார். அதன்பின் தொடர்ந்து பல படங்களில் அவர் நாயகனாகவும், இசையமைப்பாளராகவும், சில நேரங்களில் இயக்குநராகவும் பணியாற்றி வருகிறார்.

சமீபத்தில் ‘மீசைய முறுக்கு’ படத்தின் இரண்டாம் பாகம் உருவாகிறது என தகவல் வெளியாகியுள்ளது. தற்போது அந்தப் படத்தின் படப்பிடிப்பு தொடங்கியுள்ளது. முதல் பாகத்தை தயாரித்த சுந்தர்.சி யின் அவ்னி மூவிஸ் நிறுவனத்துடன் இணைந்து, இந்த முறை ஆதியும் தயாரிப்பில் ஈடுபட்டுள்ளார்.