பாலிவுட் திரைப்படத் துறையில் முன்னணி நடிகரும் தயாரிப்பாளருமான அமீர்கான் தற்போது ஆர். எஸ். பிரசன்னா இயக்கும் ‘சித்தாரே ஜமீன் பர்’ என்ற படத்தில் நடித்து வருகிறார். இதற்குடன், அவர் ‘லாகூர் 1947’ என்ற மற்றொரு படத்தையும் தயாரித்து வருகிறார்.
இந்நிலையில், அமீர்கான் நீண்ட நாட்களாக கனவாகக் கொண்டு வந்த ‘மகாபாரதம்’ படத்தை தற்போது உருவாக்க திட்டமிட்டுள்ளார். இந்தப் படத்திற்கான தயாரிப்பு பணிகள் தற்போது நடந்து வருகின்றன. பல பாகங்களாக உருவாக உள்ள இந்தப் படத்தின் முதல் பாகத்தை பிரபல இயக்குநர் சஞ்சய் லீலா பன்சாலி இயக்க உள்ளதாக தகவல்கள் தெரிவிக்கின்றன.
இந்தப் படத்தில் அர்ஜுனனாக தென்னிந்திய நடிகர் அல்லு அர்ஜுனை நடிக்க வைக்க அமீர்கான் திட்டமிட்டுள்ளதாக தகவல் வெளியாகியுள்ளது. அட்லீ இயக்கும் மற்றொரு படத்திற்காக மும்பை சென்றிருந்த அல்லு அர்ஜுன், அமீர்கானை சந்தித்து இந்தப் படத்தின் குறித்து பேசியுள்ளதாக தகவல் வெளியாகியுள்ளது. இந்தத் திட்டம் குறித்த அதிகாரப்பூர்வ அறிவிப்பு விரைவில் வெளிவரும் என எதிர்பார்க்கப்படுகிறது.
