ரஜினிகாந்த் – கமல்ஹாசன் நடிப்பில் லோகேஷ் கனகராஜ் இயக்கத்தில் உருவாகிறதா பிரம்மாண்ட திரைப்படம்?

விக்ரம் திரைப்படத்தில் கமல்ஹாசனையும், ‘கூலி’ திரைப்படத்தில் ரஜினிகாந்தையும் இயக்கிய லோகேஷ் கனகராஜ், தற்போது இந்த இரு முன்னணி நடிகர்களையும் ஒரே படத்தில்‌ இயக்க உள்ளதாக செய்திகள் வெளியாகியுள்ளன. 

இதற்கான முதற்கட்ட பேச்சுவார்த்தைகள் நடந்ததாகவும் கூறப்படுகிறது. இந்தப் படத்தை ராஜ்கமல் பிலிம்ஸ் தயாரிக்க உள்ளதாக தகவல்கள் தெரிவிக்கின்றன.

கூலி படத்தை தொடர்ந்து லோகேஷ் கனகராஜ், கார்த்தி நடிக்கும் ‘கைதி 2’ படத்தை இயக்குவார் என கூறப்பட்டிருந்தது. ஆனால், தற்போது அந்தத் திட்டத்தை தயாரிப்பாளருடன் பேசி தள்ளி வைத்ததாகவும், அதற்கு முன்னதாகவே ரஜினிகாந்த், கமல்ஹாசன் இணையும் படத்தை இயக்கவுள்ளார் என்ற செய்திகள் வெளியாகியுள்ளன.