மோகன்லால் மற்றும் பிரித்விராஜ் நடிப்பில் உருவாகும் ‛லூசிபர்’ படத்தின் இரண்டாம் பாகமான ‛எம்புரான்’ படத்தை பிரித்விராஜ் இயக்குகிறார். இப்படத்தின் டீசர் வெளியீட்டு விழா நேற்று நடைபெற்றது.
அந்த விழாவில் பிரித்விராஜ் பேசியதாவது, “எங்கள் தயாரிப்பில் ரஜினி சாரை வைத்து ஒரு படத்தை இயக்க முடியுமா?” என்று சுபாஷ்கரன் சார் என்னிடம் கேட்டார். இது புதிய இயக்குநருக்கு மிகப்பெரிய வாய்ப்பு. ஆனால், பகுதி நேர இயக்குநரான எனக்கு அந்தக் குறிப்பிட்ட நேரத்துக்குள் ரஜினி சாருக்கான கதையை உருவாக்க முடியாததால் அந்த வாய்ப்பு முடியவில்லை. இதனால், அவருடன் நட்பு மட்டுமே வளர்ந்தது.
அதற்கு பிறகு, ஒருநாள் சுபாஷ்கரன் சார் என்னிடம், “அடுத்து நீங்கள் என்ன செய்யப் போகிறீர்கள்?” என்று கேட்டார். நான், “‛லூசிபர்’ படத்தின் இரண்டாம் பாகமான ‛எம்புரான்’ படத்தை இயக்கப் போகிறேன்,” என்றேன். அதற்கு அவர், “உங்களின் கனவு படத்தில் நான் எப்படியாவது ஒரு பங்கை வகிக்க விரும்புகிறேன்,” என்றார். இதை நான் எதிர்பார்க்கவில்லை. அப்படித்தான் ‛லைகா’ நிறுவனம் இந்தப் படத்தில் ஒரு பங்காக மாறியது. மலையாளத்தில் ‛லைகா’ நிறுவனத்தின் முதல் படம் இதுவாகும் என்பது கூடுதல் சிறப்பு,” என்றார் பிரித்விராஜ்.
