தமிழ் சினிமாவில் ‘முகமூடி’ படத்தின் மூலம் அறிமுகமான பூஜா ஹெக்டே, ‘பீஸ்ட்’ படத்தில் விஜய்யுடன் இணைந்து நடித்தார். இவர் தமிழ் மட்டுமன்றி இந்தி மற்றும் தெலுங்கு மொழிப் படங்களிலும் அதிகமாக நடித்துள்ளார். பூஜா ஹெக்டே நடித்த சில திரைப்படங்கள் எதிர்பார்த்த வெற்றியைப் பெறவில்லை, இதனால் சிலர் அவர் சினிமாவை விட்டு விலகுவார் என்று கூறத் தொடங்கினர்.
இதற்கிடையில், ஒரு வருடத்திற்கும் மேலாக பூஜா ஹெக்டேவின் புதிய பட அறிவிப்பு எதுவும் வெளியாகவில்லை. இதனால் அவர் சினிமாவிலிருந்து விலகியிருப்பதாக கருத்துகள் எழுந்தன. ஆனால் தற்போது, அவர் அனைத்து மொழிகளிலும் பட வாய்ப்புகளைப் பெற்று மீண்டும் பிசியாக நடிக்கத் தொடங்கியுள்ளார். இதுகுறித்து பேசியபோது பூஜா ஹெக்டே, “நான் தோல்விகளை பார்த்து கவலைப்படுவதோ அல்லது பயப்படுவதோ இல்லை. எனக்குத் தரப்பட்ட கதாபாத்திரங்களில் முழு திறமையையும் வெளிப்படுத்தியுள்ளேன்.
நல்ல நேரத்தை எதிர்பார்த்து பொறுமையாக காத்திருந்தேன். தற்போது ஐந்து படங்கள் கைவசம் உள்ளன. இதில் தமிழில் விஜய்யின் 69-வது படம், சூர்யா படம், இந்தியில் ஷாகித் கபூருடன் ‘தேவா’ படத்திலும் நடிக்கிறேன். மேலும் இன்னும் இரண்டு படங்களுக்கு அறிவிப்பு விரைவில் வரும்,” என்றார்.
