கங்குவா படத்துடன் மோதும் ஹாலிவுட் படமான ‘கிளாடியேட்டர் – 2’

2000ஆம் ஆண்டில் வெளியாகி பெரும் வரவேற்பைப் பெற்ற ஹாலிவுட் திரைப்படமாக ‘கிளாடியேட்டர்’ அனைவராலும் பாராட்டப்பட்டது. ரிட்லி ஸ்காட் இயக்கத்தில், ரஸ்ஸல் க்ரோவ் நடிப்பில் உருவான இப்படம், வரலாற்றுத் திரைப்படங்களுக்குப் புதிய பரிமாணத்தை ஏற்படுத்தியது. இப்போது, 24 ஆண்டுகளுக்குப் பிறகு, ‘கிளாடியேட்டர்’ திரைப்படத்தின் இரண்டாம் பாகத்தை ரிட்லி ஸ்காட் இயக்கி முடித்துள்ளார். இந்தப் படம் வரும் 15ஆம் தேதி இந்தியாவில் வெளியாக உள்ளது. அதேநேரத்தில், சூர்யா நடித்துள்ள ‘கங்குவா’ திரைப்படமும் நாளை திரையரங்குகளில் வெளியாக உள்ளது. ‘கங்குவா’ வெளியாகும் மொழிகள் மற்றும் தொழில்நுட்பங்களில் ‘கிளாடியேட்டர்’ திரைப்படமும் வெளியாக இருப்பதால் அப்படத்தின் வசூல் எந்தளவுக்கு இருக்கும் என எதிர்பார்க்கப்படுகிறது.