மான் கராத்தே மற்றும் கெத்து போன்ற படங்களை இயக்கிய கிரிஷ் திருக்குமரன் இயக்கத்தில் அருண் விஜய், சித்தி இட்னானி, தன்யா ரவிச்சந்திரன் உள்ளிட்ட பலர் நடித்துள்ள படம் ‘ரெட்ட தல’. பிடிஜி யுனிவர்சல் நிறுவனம் தயாரித்த இந்த படத்தின் படப்பிடிப்பு முடிவடைந்து, தற்போது போஸ்ட் புரொடக்ஷன் பணிகள் நடைபெற்று வருகின்றன.

இந்நிலையில், இந்த படத்திற்காக இசையமைப்பாளர் சாம்.சி.எஸ் இசையில் நடிகர் தனுஷ் ஒரு பாடலை பாடியுள்ளார். பொதுவாக, தனுஷ் தனது சொந்த படங்களைத் தவிர, பிற படங்களுக்கு பாடலை அவ்வளவாக பாடுவதில்லை. பெரும்பாலும், அவருக்கு நெருக்கமானவர்களுக்காக மட்டும் சில பாடல்களை பாடுவார்.
இதற்கிடையில், தனுஷ் இயக்கி நடித்து வரும் ‘இட்லி கடை’ படத்தில், அருண் விஜய் வில்லன் கதாபாத்திரத்தில் நடித்துள்ளார் என்பதும் குறிப்பிடத்தக்கது.