ஆதிக் ரவிச்சந்திரன் இயக்கத்தில் அஜித் குமார் நடிக்கும் ‘குட் பேட் அக்லி’ படத்தில் மைத்ரி மூவி மேக்கர்ஸ் நிறுவனம் தயாரித்து வருகிறது. இப்படத்திற்கு தேவி ஸ்ரீ பிரசாத் இசையமைக்கிறார்.
இதற்கு முன், இப்படத்தில் திரிஷா, சுனில், அர்ஜுன் தாஸ், ராகுல் தேவ், பிரசன்னா உள்ளிட்டோர் முக்கிய கதாபாத்திரங்களில் நடிக்க இருப்பதாக கூறப்பட்டது. தற்போது, இப்படத்தின் இரண்டாம் கட்ட படப்பிடிப்பு ஸ்பெயினில் நடைபெற்று வருகிறது. இந்த கட்ட படப்பிடிப்பில் நடிகர் பிரபு முக்கிய கதாபாத்திரத்தில் இணைந்துள்ளார். இதற்காக, அவர் சென்னையிலிருந்து ஸ்பெயினுக்கு புறப்பட்டு சென்றுள்ளார். இதற்கு முன் பிரபு, அஜித்துடன் ‘பில்லா’, ‘அசல்’ போன்ற படங்களில் நடித்துள்ளார்.
மேலும், நடிகர் யோகி பாபு இப்படத்தில் இணைந்துள்ளதாகவும் கூறப்படுகிறது. அவர் ஏற்கனவே ‘வேதாளம்’, ‘விஸ்வாசம்’ போன்ற படங்களில் அஜித்துடன் நடித்துள்ளார் என்பது குறிப்பிடத்தக்கது.
